សម្ពោធដាក់ឱ្យប្រើប្រាស់វិហារឥស្លាម ម៉ាស្ជិទ មាតាបិតា ណាជ្ជឹម រិចយ៉ាល និងសមិទ្ធផលនានានៅក្នុង ភូមិស្រែអំពិល ឃុំអូរគ្រៀង ស្រុកអូរគ្រៀងសែនជ័យ ខេត្តក្រចេះ។

English Below}
ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន និងឯកឧត្តម Shaharuddin Bin Onn ឯកអគ្គរាជទូតវិសាមញ្ញ និងពេញសមត្ថភាពនៃប្រទេសម៉ាឡេស៊ី ប្រចាំព្រះរាជាណាចក្រកម្ពុជា
អញ្ជើញសម្ពោធដាក់ឱ្យប្រើប្រាស់វិហារឥស្លាម ម៉ាស្ជិទ មាតាបិតា ណាជ្ជឹម រិចយ៉ាល និងសមិទ្ធផលនានានៅក្នុង ភូមិស្រែអំពិល ឃុំអូរគ្រៀង ស្រុកអូរគ្រៀងសែនជ័យ ខេត្តក្រចេះ។
——————————————
ខេត្តក្រចេះ៖ នាព្រឹកថ្ងៃទី២ ខែកុម្ភៈ ឆ្នាំ២០២៥
ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន និងឯកឧត្តម Shaharuddin Bin Onn ឯកអគ្គរាជទូតវិសាមញ្ញ និងពេញសមត្ថភាពនៃប្រទេសម៉ាឡេស៊ី ប្រចាំព្រះរាជាណាចក្រកម្ពុជា
បានចូលរួមជាអធិបតីដ៏ខ្ពង់ខ្ពស់ក្នុងពិធីសម្ពោធដាក់ឱ្យប្រើប្រាស់វិហារឥស្លាម ម៉ាស្ជិទ មាតាបិតា ណាជ្ជឹម រិចយ៉ាល និងសមិទ្ធផលនានានៅក្នុង ភូមិស្រែអំពិល ឃុំអូរគ្រៀង ស្រុកអូរគ្រៀងសែនជ័យ ខេត្តក្រចេះ។ កម្មវិធីនេះមានការអញ្ជើញចូលរួមពី ឯកឧត្តម លោកជំទាវ សមាជិកព្រឹទ្ធសភា រដ្ឋលេខាធិការ អានុរដ្ឋលេខាធិការ អាជ្ញាធរមូលដ្ឋាន គណៈអ៊ីម៉ាំខេត្ត គណៈអីម៉ាំស្រុក ហាកឹម គ្រូបង្រៀន និង ប្រជាពលរដ្ឋ សរុបប្រមាណ៦៥០រូប។
February 2, 2025, H.E. Neth Pheaktra Minister of Information and H.E. Shaharuddin bin Onn, Ambassador Extraordinary and Plenipotentiary of Malaysia to the Kingdom of Cambodia gracing the Grand Opening Ceremony of Parent’s Nudgem Richyal Mosque at Sre Ampil Village, O’krieng Commune, O’krieng Senchey district, Kratie province managed by Emaan Foundation Cambodia.
The event was attended by His Excellencies, Secretary of State, Under Secretary of State, Local Authorities, Provincial Imam Committee, Imam Committee, Hakem District, Teachers and villagers.
ឯកឧត្តមរដ្ឋមន្ត្រី នេត្រ ភក្ត្រា បានគូសបញ្ជាក់ថានេះជាសមិទ្ធផលថ្មីសន្លាងមួយទៀតលើទឹកដីស្រុកអូរគ្រៀងសែនជ័យដែលជាស្រុកថ្មីមួយរបស់ខេត្តក្រចេះដែលទើបនឹងបង្កើត ហើយវិហារនេះនឹងប្រើប្រាស់ជាប្រយោជន៍របស់បងប្អូនខ្មែរឥស្លាមដែលរស់នៅក្នុងឃុំអូរគ្រៀង និងរស់នៅជុំវិញតំបន់នេះមកប្រតិបត្តិសាសនា របស់ខ្លួនគោរព។ ឯកឧត្តមរដ្ឋមន្ត្រីបានអំពាវនាវដល់បងប្អូនខ្មែរឥស្លាមចូលរួមថែរក្សាវិហារដែលកសាងដោយ ថវិកាសប្បុរសជនឱ្យបានល្អដើម្បីទុកប្រើប្រាស់សម្រាប់ពេលយូរអង្វែងទៀត។
ឯកឧត្តមរដ្ឋមន្ត្រី នេត្រ ភក្ត្រា ប្រធានក្រុមការងាររាជរដ្ឋាភិបាលចុះមូលដ្ឋានខេត្តក្រចេះបាន ថ្លែងថាកម្ពុជាត្រូវបានគេវាយតម្លៃខ្ពស់លើដំណើរការនៃការកសាងសុខសន្តិភាព និងការបង្រួបបង្រួមជាតិ ក្រោមអនុវត្តនយោបាយឈ្នះឈ្នះដាក់ចុះដោយសម្តេចតេជោ ហ៊ុន សែន បញ្ចប់អង្គការចាត់តាំងនយោបាយ និងយោធារបស់ខ្មែរក្រហម នាំយកសុខសន្តិភាពពេញលេញជូនជាតិ ដែលជាមេរៀនប្រវត្តិសាស្ត្រមួយយ៉ាងសំខាន់សម្រាប់បណ្តាប្រទេសនានាដកស្រង់បទពិសោធអនុវត្តដើម្បីបានសុខសន្តិភាព និងធានាបាននូវសន្តិភាពឱ្យបានគង់វង្ស។
ជាមួយគ្នានេះ ប្រទេសនានានៅលើពិភពលោកក៏បានវាយតម្លៃខ្ពស់និងកោតសរសើរកម្ពុជាពីសុខដុមនីយកម្មសាសនាក្នុងសង្គមកម្ពុជា។ ឯកឧត្តមរដ្ឋមន្ត្រីបានអំពាវនាវដល់បងប្អូនប្រជាពលរដ្ឋចូលរួមថែរក្សាសាមគ្គីភាពជាតិ និងថែរក្សាសុខសន្តិភាពដែលរកបានដោយពិបាកនេះឱ្យបានគង់វង្សសម្រាប់មនុស្សរាប់ជំនាន់ទៅមុខទៀត, មានសុខសន្តិភាព គឺមានអ្វីៗទាំងអស់។
ឯកឧត្តម Shaharuddin Onn ឯកអគ្គរាជទូតម៉ាឡេស៊ីប្រចាំព្រះរាជាណាចក្រកម្ពុជា, បានវាយតម្លៃខ្ពស់ចំពោះកិច្ចខិតខំប្រឹងប្រែងរបស់រាជរដ្ឋាភិបាលកម្ពុជាក្នុងការកសាងនិងអភិវឌ្ឍប្រទេសជាតិ។ ឯកឧត្តមបានបង្ហាញការរីករាយសប្បាយចិត្តដែលត្រូវបានអញ្ជើញចូលរួមក្នុងពិធីសម្ពោធដាក់ឱ្យប្រើប្រាស់វិហារឥស្លាមនេះ និងបង្ហាញពីទំនាក់ទំនងការទូតដ៏ល្អប្រសើររវាងកម្ពុជា និងម៉ាឡេស៊ី និងក៏ជាទំនាក់ទំនងល្អរវាងប្រជាជននិងប្រជាជនផងដែរ៕
លោក Mohd Kahliab Bin Zainal Abidin ស្ថាបនិកនៃអង្គការមូលនិធិអ៉ីម៉ាន់កម្ពុជា និងជាតំណាងម្ចាស់ជំនួយបានថ្លែងថា វិហារឥស្លាមមាតាបិតា ណាជ្ជីម រីចយ៉ាល់ មានទីតាំងស្ថិតក្នុងភូមិស្រែអំពិល ឃុំអូរគ្រៀង ស្រុកអូរគ្រៀងសែនជ័យ ខេត្តក្រចេះមានទំហំទទឹង ១០ ម៉ែត្រ និងបណ្តោយ ១៥ ម៉ែត្រសាងសង់អំពីបេតុង។ គម្រោងនេះចាប់ផ្តើម សាងសង់នៅថ្ងៃទី១ ខែមករា ឆ្នាំ២០២៤ និងបញ្ចប់នៅខែមេសា ឆ្នាំ២០២៤ ដោយចំណាយថវិកាចំនួន ៦៩ ៦៧១ ដុល្លារអាម៉េរិកដែលជាអំណោយរបស់សប្បុរសជនមកពីប្រទេសសិង្ហបុរី។
             
SHARE

Suggested for You

កម្មវិធីចែកអំណោយកញ្ចប់អាហារស្រាយបួសខែរ៉ាម៉ាឌន

[English Below] កម្មវិធីចែកអំណោយកញ្ចប់អាហារស្រាយបួសខែរ៉ាម៉ាឌន Ramadan Food Aid Distribution Program ………………………………………………… នារសៀលថ្ងៃពុធទី២៦ ខែមីនា ឆ្នាំ២០២៥ អង្គការមូលនិធិអ៉ីម៉ាន់កម្ពុជាបានរៀបចំកម្មវិធីចែកអំណោយកញ្ចប់អាហារស្រាយបួសជូនបងប្អូនប្រជាពលរដ្ឋខ្វះខាតចំនួន ១៥០គ្រួសារ នៅភូមិត្រពាំងបេង ឃុំព្រែកសាម៉ាន់ ស្រុកឆ្លូង ខេត្តក្រចេះ។ កម្មវិធី​នេះ​មានការអញ្ជើញចូលរួមជាអធិបតី ដោយឯកឧត្តម សាន់ ឡាទីន សមាជិកព្រឹទ្ធសភា និងជាអ៉ីម៉ាំខេត្តក្រចេះ អមដំណើរដោយ លោក ឡាទីន រំលី អភិបាលរងស្រុកឆ្លូង និងអាជ្ញាធរមូលដ្ឋាន នៅទីតាំងវិហារឥស្លាមភូមិត្រពាំងបេង។ On March 26, 2025,Emaan Foundation Cambodia organized the Food Aid program for the community, 150 food packs have been distributed to needy families from Trapeang Beng […]

SHARE

កម្មវិធីចែកអំណោយកញ្ចប់អាហារស្រាយបួសខែរ៉ាម៉ាឌន

[English Below] កម្មវិធីចែកអំណោយកញ្ចប់អាហារស្រាយបួសខែរ៉ាម៉ាឌន Ramadan Food Aid Distribution Program ………………………………………………… ថ្ងៃអាទិត្យទី២៣ ខែមីនា ឆ្នាំ២០២៥ លោក Mohd Kahliab ស្ថានិក និងជាអនុប្រធានអង្គការមូលនិធិអ៉ីម៉ាន់កម្ពុជា បានចុះចែកអំណោយកញ្ចប់អាហារស្រាយបួសជូនបងប្អូនសាសនិកឥស្លាមចំនួន១៥០គ្រួសារ មកពីភូមិម៉ាក់ប្រាង ភូមិកំណប់ ភូមិម្លិចគល់ ខេត្តកំពត។ កម្មវិធីនេះ មានការអញ្ជើញចូលរួមជាកត្តិយសចែក ដោយឯកឧត្តម សាន់ សូឡៃម៉ាន អនុប្រធានយុវជនខេត្តកំពត គណអ៉ីមាំស្រុកទឹកឈូ ក្រុមប្រឹក្សាឃុំ មេភូមិ ម៉ាស្ជិត និងគណៈកម្មការភូមិ។ On March 23 , 2025,Mr. Mohd Kahliab, Founder and vice Chairman of Emaan Foundation Cambodia,has provided Food Aid for 150 families from Mak Prang […]

SHARE

កម្មវិធីចែកអំណោយកញ្ចប់អាហារស្រាយបួសខែរ៉ាម៉ាឌន

[English Below] Ramadan Food Aid Distribution Program ………………………………………………… ថ្ងៃអាទិត្យទី២៣ ខែមីនា ឆ្នាំ២០២៥ លោក Mohd Kahliab ស្ថានិក និងជាអនុប្រធានអង្គការមូលនិធិអ៉ីម៉ាន់កម្ពុជា បានចុះចែកអំណោយកញ្ចប់អាហារស្រាយបួសជូនបងប្អូនសាសនិកឥស្លាមចំនួន៣០០គ្រួសារ មកពីបណ្តាភូមិផ្សេងៗដូចជា ភូមិព្រៃថ្នង ភូមិដំណាក់ហ្លួង ភូមិចក្រីទីង ភូមិម៉ាក់ប្រាង្គ ភូមិស្រែ ភូមិដូនតោក ភូមិតាដឹប ភូមិកំពង់កែស ភូមិស្បូវ ខេត្តកំពត។ កម្មវិធីនេះ មានការអញ្ជើញចូលរួមជាកត្តិយសចែក ដោយឯកឧត្តមសេនសាប៊ីល អភិបាលរងខេត្តកំពត មេឃុំព្រៃថ្នង អុីមាំស្រុកទឹកឈូ ហាកឹមព្រៃថ្នង តួនៗផងដែរ។ On March 23 , 2025,Mr. Mohd Kahliab, Founder and vice Chairman of Emaan Foundation Cambodia,has provided Food Aid for 300 families […]

SHARE

Leave A Comment